तुझी नशा अफाट होती
या दारूपेक्षा सरसच तू.
.
.
.
तू विकली जात नाहीस हे किती बरे आहे!
*************************
मला माणसांची किंमत कळते
दारूची तेवढी कळत नाही
.
.
.
.
चष्म्याचा नंबर वाढलाय बहुतेक!
************************
ग्लासात देशी आहे की इंग्लिश
याचा विचार करत नाही मी
.
.
.
.
जाती-धर्माच्या विरोधातच आहे मी!
*************************
ग्लास अर्धा भरलाय असंही म्हणता येतं
ग्लास अर्धा रिकामा आहे असंही म्हणता येतं
.
.
.
.
म्हणा काहीही, हा ग्लास बाटलीचा गुलाम आहे !
**************************
पुन्हा भेटशील तेव्हा जाब विचारेन तुला
तू दिलेल्या दु:खाचा हिशोब लिहून ठेवलाय
.
.
.
.
बियर बारच्या मालकाकडे रेकॉर्ड आहे सगळा!
-काव्य सागर