एक माझे मन अन्

एक माझे मन अन् एक तुझे मन
आहे प्रेम जरी तरी आहे एक पण

नकळता कोण जाणे कसे हे घडले
माझे वेडे मन तुझ्या प्रेमात पडले
क्षणोक्षणी मनी येई तुझी आठवण

तुझ्या सवे भिजताना पावसात चिंब
तुझ्या ओठी बरसावे होऊनी मी थेंब
तुझ्या सहवासी वाटे गुलाबी हे क्षण

तुझ्यासाठी झुरते रे सांगू मी हे कसे
पाण्याविन मासोलीचे हाल होई जसे
तसे होई वेडेपिसे तुझ्याविन मन

माझ्या मनी जरी फक्त नाव तुझे असे
तुझ्या मनी नव्हतेच कधी काही तसे
तरी वाट पाहते हे माझे वेडेपण
- काव्य सागर