हे तर नेहमीचेच

Monday, October 19, 2009

करायला गेलो एक
आणि झाले भलतेच
मग मनास वाटते
हे तर नेहमीचेच

चालता चालता मागे
वळून पाहायचेच
आणि पुन्हा चालायचे
हे तर नेहमीचेच

उगीचच आरशात
पाहत राहायचे
अन् कोरडे हसायचे
हे तर नेहमीचेच

एक खोटे बोलायचे
मग हजारदा खोटेच
खर्‍याहून खोटे खरे
हे तर नेहमीचेच

प्रश्न मनास द्यायचे
उत्तर ही स्वत:चेच
कोडे असे सुटायचे
हे तर नेहमीचेच

नव्याचे नवखेपण
नऊ दिवस जपायचे
पुन्हा जुन्यात रमायचे
हे तर नेहमीचेच

रात्र रात्र जागायचे
अंधारात जगायचे
गीत मनी रूजायचे
हे तर नेहमीचेच

स्वप्न एक पाहायचे
त्यात हरवून जायचे
वेड्यासारखे व्हायचे
हे तर नेहमीचेच

काहीतरी सुचायचे
वेड्यापरि लिहायचे
काव्य होऊन जायचे
हे तर नेहमीचेच
-काव्य सागर

2 comments:

Shrikaant said...

mitra apratim.....
mi hi ha prayatna karato pun tu kharach gr8 aahes..................
SHRIKANT KOLI

Sagar Kokne said...

Dhanyawaad...Shrikant

Post a Comment